Синдзо Абэ ҚР Президентін Нагасакиге шақырды

Елбасы Нұрсұлтан Назарбаев G20 саммиті аясында Жапонияның Премьер-Министрі Синдзо Абэмен  кездесті. Бұл туралы Ақорданың баспасөз қызметінен хабарлады. Келіссөз барысында тараптар сауда-экономикалық, саяси және мәдени-гуманитарлық салалардағы байланыстарды нығайту перспективалары тәрізді екіжақты өзара іс-қимылдың басты бағыттарын талқылады. Сондай-ақ, екі елдің көшбасшылары халықаралық күн тәртібіндегі бірқатар мәселелер жөнінде пікір алмасты. С.Абэ еліміздің ядролық қарусыздану ісіндегі маңызды еңбегін ескере отырып, Нұрсұлтан Назарбаевты алдағы сапары барысында Нагасакиге келуге шақырды.

Ақпарат көзі: ҚазАқпарат