Олимпиада жүлдегерлері «Парасат» және «Құрмет» ордендерімен марапатталды
Мемлекет басшысы Нұрсұлтан Назарбаев Рио-де-Жанейро Олимпиадасының күміс және қола медаль иегерлерін «Парасат» және «Құрмет» мемлекеттік ордендерімен марапаттады.
Атап айтқанда, «Парасат» орденіне күміс медаль еншілеген — Гүзел Манюрова, зілтемірші Жазира Жаппарқұл, дзюдошы Елдос Сметов, сондай-ақ қола жүлдегер Иван Дычко ие болды.
«Құрмет» орденімен қола жүлдегерлер — дзюдошы Галбадраx Отгонцецег, зілтеміршілер — Карина Горичева, Александр Зайчиков пен Фарxат Харки, палуан қыздар — Екатерина Ларионова мен Эльмира Сыздықова, боксшы Дариға Шәкімова марапатталды.
«Сіздің қолдауыңыздың арқасында Олимпиада ойындарына тағы бір мәрте қатысуға және елімізге медаль алып беруге мүмкіндік алдым. Бұл -ұмытылмас сәт. Мен өзімнің Президентіме, еліме деген мақтанышымды әлі де болса жасыра алмай жүрмін. Біз Қазақстанның әлемдегі спорттық держава екенін тағы бір мәрте дәлелдедік деп санаймын», — деді Олимпиада ойындарында күміс еншілеген палуан Гүзел Манюрова Президентке қаратып айтқан сөзінде.
Ақпарат көзі: ҚазАқпарат
Comments are closed.