Uber жұмысын бастады

Шілде айынан бастап қала тұрғындары мен қонақтары смартфондағы бір нүкте арқылы автомобиль шақыра алады. UberX-ті мынадай тарифтер бойынша пайдалана алады: автомобиль келгені үшін – 170 теңге, 1 шақырымға 40 теңге және 1 минутқа – 5 теңге (шақырым мен минут құны бірге есептеледі). Мысалы, Жібек жолы көшесінің жүргінші аумағынан («Арбат») Республика алаңына дейінгі (Жаңа алаң) баға 400 теңгеге тең. М.Әуезов атындағы драма театрынан 28 гвардияшы-панфиловшылар паркіне дейінгі жол жүру құны – 416-499 теңге, ал Орталық демалыс паркінен (бұрынғы Горький паркі) циркке дейін 458-555 теңге болады. Ал қаланың кез-келген нүктесінен әуежайға дейінгі және «Медеу» курортына дейінгі жолақысы 2500 теңгені құрайды. Компанияның мәлімдеуінше, Алматыдағы Uber платформасында тек техникалық жағдайы өте жақсы, 7 жылдан аспаған шетелдік маркалы автомобильдер («Toyota Camry», «Hyundai Accent», «Kia Rio» және т.б) жұмыс істейді.