Мемлекет басшысы Ресей Федерациясының Президенті Владимир Путинмен телефон арқылы сөйлесті

В.Путин Нұрсұлтан Назарбаевты туған күнімен құттықтап, оған зор денсаулық, игілік және жұмысына табыс тіледі. Телефон арқылы әңгімелесу барысында Ресей Президенті Елбасын Қазақстанның БҰҰ Қауіпсіздік кеңесінің 2017-2018 жылдардағы тұрақты емес мүшелігі сайлауындағы жеңісімен құттықтады. Екі ел көшбасшылары екіжақты ынтымақтастық мәселелерін талқылады. Телефон арқылы сөйлесуге Ресей жағы бастамашы болды.