АСТАНА. ҚазАқпарат — Биыл Қазақстанда автожол құрылысы саласында 8 жоба бойынша жұмыстар жалғасады. Бұл туралы бүгін Үкімет отырысында «ҚР Инвестициялар және даму министрі Әсет Исекешев мәлім етті.
«2015 жылы жұмыс 8 жоба бойынша жүргізілді. Жол-құрылыс жұмыстарымен 2 мың шақырым жол және 72 мың адам жұмыспен қамтылды. Жалпы 2015 жылғы қорытындысы бойынша 456 км жол салынған және жаңартылған»,-деді министр.
Оның сөзіне қарағанда, биыл аталған 8 жоба аясындағы құрылыс жұмыстары жалғасуда.
«Жыл қорытындысы бойынша 900 шақырымға жуық жолдағы жұмыстарды аяқтау жоспарлануда»,-деді Ә. Исекешев.
Белгілі болғандай, 2015 жылы автожол жобасының іске асыру аясында 292 млрд.теңге игерілді, оның ішінде Ұлтық қордан — 178 млрд.теңге бағытталды.
Comments are closed.