Алина Ауданда жүріп атақты бапкер атанды

Қордайда жүріп-ақ аудан, облыс, республика біріншіліктерінде топ жарып, ұлттық құрама сапында Еуразия ойындары мен Инчхондағы Азия ойындарында күміс жүлдеге, Бүкіләлемдік Универсиадада алтын жүлдеге қол жеткізген жеңіл атлет Светлана Иванчукованың жаттықтырушысы Алина Ахметова Қазақстан Республикасына еңбегі сіңген жаттықтырушы атағын алды. Қордайдағы спорт мектебінде 12 жылдан бері талмай тер төгіп жүрген Алина Ахметова Светланадан өзге де болашағынан үлкен үміт күттіретін спортшыларды дайындауда. Барлық жағдай жасалған қалада емес, ауданда жүріп-ақ үлкен атаққа қол жеткізіп отырған Алина Ахметованың жетістігі жеңіспен пара-пар екендігі ақиқат.