Жамбыл облысында экология департаментінің басшыларыне 14 млн. теңге айыппұл салынды

Жамбыл облысы бойынша экология департаментінің басшысмына, оның орынбасарына және «ГазСпецСЧтрой» ЖШС өкіліне қатысты үкім жариланды.

Тараз қаласы №2 сотында ҚР ҚК-нің 366 бабының 3 бөлігі 2 тармақшасымен (пара алу), 362 бабының 4 бөлігі 3 тармақшасымен (билiктi немесе лауазымдық өкiлеттiктерді асыра пайдалану) кінәлі деп танылған Жамбыл облысы бойынша экология Департаментінің басшысы М.Қонысбековке, орынбасары Д.Атауоллаұлына және  ҚР ҚК-нің 367 бабының 2 бөлігімен (пара беру) кінәлі деп танылған ТОО «ГазСпецСтрой-А» өкілі М.Алтамировқа қатысты қылмыстық іс қаралды.

Іс материалдарынан,  Д.Атауоллаұлы мен М.Қонысбеков лауазымды тұлға бола тұра, өздерінің лауазымдык құқығына  жатпайтын әрекеттерге ыкпал жасап, материалдық табыс алу мақсатында Департамент әкімшілік мемлекеттік қызметкерлеріне аударылған сыйдан заңсыз ақшалай қаражат жинап алған. Осымен тоқтамай, Д.Атауоллаұлы мен М.Қонысбеков кызметтік өкілеттіктеріне кіретін және лауазымдық жағдайына байланысты сол әрекеттерге ыкпал жасап,  ТОО «ГазСпецСтрой-А» өкілі М.Алтамировтан мемлекеттік тапсыру-қабылдау актісіне қол қою үшін 100000 теңге талап еткен.

Көп ұзамай, пара алу барысында Д.Атауоллаұлы Жамбыл облысы сыбайлас жемқорлық Департаментінің қызметкерлерімен ұсталған.

Соттың үкімімен Д.Атауоллаұлы мен М.Қонысбеков Қазақстан Республикасы  ҚК-нің 362 бабының 4 бөлігі 3 тармағымен, 366 бабының 3 бөлігі 2 тармағымен кінәлі деп танылып, осы баптардың бөліктерімен әрқайсысына қылмыстық жолмен табылған не қылмыстық жолмен табылған қаражатқа сатып алынған мүлкін тәркілеуімен, мемлекеттік қызметпен айналысу құқығынан өмір бойына айыра отырып, 7 000 000  теңгеден  айыппұл  төлеу жазасы тағайындалды.

М.Алтамиров Қазақстан Республикасы Қылмыстық Кодексінің  367 бабының 1 бөлігімен кінәлі деп танылып, мемлекеттік қызметпен айналысу құқығынан өмір бойына айыра отырып, оған 3 000 000  теңге көлемінде айыппұл  төлеу жазасы тағайындалды.

Үкім заңды күшіне енген жоқ.