Айтыста бас жүлдені Біржан Байтуов жеңіп алды

Мамырдың 19 күні Өзбекстанның Навои қаласында (Әйтеке бидің мазары жатқан аймақ) Әйтеке бидің 370 жылдығына және қазақ-өзбек достығына арналған халықаралық айтыс өтті.

Айтыс өткен Фархат сарайына қандастарымыз лық толды. Бұған дейін ол аймақта мұндай жоғары дәрежелі айтыс өтпеген екен. Айтысты қорытындылағанда: Бас жүлдені – Оңтүстік Қазақстан облысының айтыскер ақыны Біржан Байтуов қанжығаласа, бірінші орынды да оңтүстікқазақстандықтар Карима Оралова мен Қажымұқан Абзалов бөлісті. Екінші орынды – жамбылдық Алик Бекмұсаев пен Құлмахан Дүйсенов (Ташкент) иеленсе, үшінші орынды – Жандарбек Қайырбек (Ташкент) пен Жамбол Көпбосынов қанағат тұтты.