Мұнай бағасы қайта төмендей бастады

Лондон және Нью-Йорк биржаларындағы электрондық сауда барысында мұнайдың әлемдік бағалары төмендей бастады. Бұл туралы сауда мәліметтерінен белгілі болды, деп хабарлайды Gazeta.ru. Нью-Йорк сауда биржасында (NYMEX) WTI маркалы жеңіл мұнайдың мамырдағы фьючерстері 0,18 пайызға төмендеп, бір баррель үшін 39,39 долларды құрады. Лондондағы ICE Futures биржасында Brent маркалы мұнайдың мамыр айындағы фьючерстері 0,40 пайызға төмендеп, бір баррель үшін 40,28 долларды құрады.