Автобус апатында 10 адам тірідей өртенді

Бейсенбі күні жолаушылар автобусы Мексиканың Табаско штатында жолда жанармай толтырылған цистернамен соғылып, салдарынан тұтанған өрттен 10 адам қаза болды. Бұл туралы жергілікті құтқару қызметтеріне сілтеме жасаған РИА «Новости» хабарлады.

Апат Вильяэрмоса мен Сьюдад-дель-Кармен қалаларының арасында орын алған. Қақтығыс салдарынан автобус екіге бөлініп, цистернадағы жанармай тұтанған. Адамдар жалын ішінде мерт болды. Тағы 20-ға жуық адам жарақаттанып, денелерін күйік шалған. Алдын ала ақпарат бойынша, жол-көлік оқиғасына автобус жүргізушісінің рульде қалғып кетуі себеп болған.

Интернет материалдары негізінде әзірленді.