Ұлттық валюта бір күнде 7 теңгеге нығайды

KASE күндізгі сессиясында доллар бағамы 361,35 теңгеге тең болды, - деп хабарлайды Tengrinews.kz тілшісі. Бұл таңғы саудаға қарағанда 2 теңгеге, ал алдыңғы, яғни 12 ақпандағы саудаға қарағанда 7 теңгеге төмен.

15 ақпандағы күндізгі сессияда алғашқы келісім 362,5 теңгемен өтті. Саудада ең жоғарғы баға 363,5 теңге, ал төмені 359,5 теңге болды. Сессияда сауда көлемі 27 миллион доллардан асты. Kurs.kz порталының мәліметінше, ақша айырбастау орындары долларды 358-363 теңге аралығында сатып жатыр.