Көделінің көктемі
Өлеңін жазған: Қайыпназар Шотбасов
Әнін жазған: Алғырбай Тыныбаев
Бабамның бақытын тапқан жері едің,
Балаңды бесікке өзің бөледің.
Көделім,
Көктемде көркем көк өрім,
Құмбелдің құшаққа гүлін теремін.
Қайырмасы:
Жастықтың мөлдір бұлағы,
Жайқалған жалбыз құрағы.
Жайлауы жанның жұмағы,
Көделім,
Көзіндей көркем көненің.
Өзіңсің өмір-өлеңім,
Көңілдің сұлу гүлін теремін.
Сырлы кеш сиқыры билеп маңайды,
Самал жел селеудің шашын тарайды.
Көделім,
Сұлу Ай саған сұқтана,
Көркіңнен көз алмай көктен қарайды.
Қайырмасы:
Туған жер, аяулы асыл мекенім,
Алыстан жастықты аңсап жетемін.
Көделім,
Ұшырған ұям сен едің,
Өзіңе әнімді тарту етемін.
Comments are closed.