90 жыл бойы құрғақшылық жайлайды

Иран экологтары, міне, он шақты жылдың жүзі болды, елде жауын-шашын аз түсетінін айтып, ұзақ уақыт бойы құрғақшылық жайлайтыны жайында дабыл қағып келеді, деп хабарлады www.muslim.kz сайты.

Елдің метеорологиялық ұйымы мәлімдегендей, биыл жауын-шашынның орташа деңгейі өткен жылмен салыстырғанда 3,7 пайызға кеміген. Бұл да елдің экологтарын алаңдатып отыр. Көп ұзамай сегіз миллион тұрғыны бар Тегеран қаласында су тапшылығы орын алуы мүмкін. Ирандағы ауа температурасына қатысты жүргізілген зерттеу нәтижесінде белгілі болғандай, 90 жыл бойы жауын-шашын әдеттегіден аз түсіп, жерасты суы тартылады. Аңызақ ыстық орнайды.