Жапонияда сейсенбі күні ғаламшардың ең егде тұрғыны Ясутаро Коидэ көз жұмды. Бұл туралы Нагоя қаласындағы ол ем алған аурухана өкілдері хабарлады.
Оның өмірден озуына себеп болған — созылмалы жүрек дерті. Ол 1903 жылы 13 наурызда Фукуи префектурасында Цуруга қаласында дүниеге келген. Нагояға 107 жасында қоныс аударған. Өмірінің соңына дейін қарттың денсаулығы сыр бере қоймаған, тіпті көзілдірік те кимеген. Өткен жылдың соңында оның отандасы Сакари Момои 112 жасында қайтыс болғаннан соң ол ғаламшардағы ең егде адам деп танылды.
Статистика деректеріне сәйкес Жапонияда 80 жастан асқан адамдар саны ұлт тарихында алғаш рет 10 миллионнан асқан.
Comments are closed.