Ғалымдар: Мамонттардың жойылуына адамзат кінәлі

Америка ғалымдары мамонттардың жойылуына климат емес, адамзат кінәлі деген қорытындыға келді, деп хабарлайды Мичиган Университетінің баспасөз парақшасына сілтеме жасаған Лента.Ру.

Зерттеушілер оның дәлелі ретінде жануарларды енесінен айыру жасын зерттеу (азуларындағы азот изотоптары бойынша) қорытындыларын келтірді.

Жаңа әдіс азот-14 және азот-15 изотоптарының сәйкестігі бойынша жас жануарлардың емдәміндегі өзгерістерді анықтауға, сол арқылы кішкентай мамонттарды енесінің сүтінен қашан ажыратып, ересектердің өмір салтына (азығын өздігінен іздеу) қашан өткенін анықтауға мүмкіндік береді.

Ғалымдар зерттеген 15 азу тіс 40-тан 10 мың жыл бұрын уақытта тіршілік еткен мамонттардың тістері болды. Аңшылар қысымынан енесінің сүтінен ажыратудың орташа жасы біртіндеп сегізден бес жылға дейін төмендегені белгілі болды.