Қазақстан жанармай құю бекеттерінде бензин қымбаттады

Елдің бірталай жанармай құю бекеттері бензин бағасын көтерді. Бұл туралы total.kz-ке сілтеме жасап NUR.KZ хабарлайды.

Бағаны қымбаттатуға бірінші болып ҚазМұнайГаз жанармай құю бекеттері кірісті. Мұнда Аи-95 маркалы бензиннің құны 130 теңгені құрады. 2 қазанда таңғы уақытта жеке жанармай құю бекеттері Аи-95 маркалы бензинді литріне 138 теңгеден сатып, ал Аи-93-ті литріне 125 теңгеге қойған.

Сол арада, Helios, Royal Petrol, «Газпром» жанармай құю бекеттерінде Аи-92 маркалы бензиннің бағасы бұрынғы деңгейде қалды – литріне 125 теңге деп жазады ҚазТАГ.