Ресейлік «Говорим и показываем» телебағдарламасы қостанайлық 17 жастағы Ксения Ликинаның анасын табуға көмектесті. Бұл оқиғаны 29 қыркүйекте НТВ арнасынан көрсетті.
Ксения айтқандай, анасын 16 жыл көрмеген. Әйел үлкен ұлымен кетіп, қызды әжесіне тастап кеткен. Үш жылдан кейін қыздың әжесі қаза болып, кейін әкесі түрмеге түсіп, атасы ішімдікке салынған. Жеті жасында Ксюша балалар үйіне түсті.
Қазір қыз аспаз мамандығын меңгеруде. «Говорим и показываем» бағдарламасын жиі көреді екен. Өзі де мәселесін шешуге көмектесуін сұрауға бел байлаған.
Табылған анасы Екатерина Наймановамен студияда кездесті. Ксенияда екі бауыры бар екен: 19 жастағы Ян және 11 жастағы Владислав.
Comments are closed.