Қазақстанда жүргізушілерге салынатын айыппұл көлемі екі есеге артты

Қазақстанда жол ережелеріне бағынбағандар жаңа заң бойынша айыппұл төлейтін болады. Айыппұл көлемі бұрынғыдан 2 есеге артып отыр.

Көлікте отырып ұялы телефонмен сөйлескен және техникалық бақылаудан өтпеген көлік жүргізушілері 3 АЕК көлемінде айыппұл төлейді. Үлкен жылдамдықта жүруді жаны сүйетін жүргізушілердің де қалтасы қағылмақ. Енді көлікті қалаған жерге қоюға да болмайды. Бұл салғырттық үшін 5 АЕК көлемінде айыппұл төлеу міндеттеледі.

Мас күйінде көлік жүргізген жүргізушілер 5 жылға куәлігінен айырылады. Жаяу жүргіншілердің де тәртібі қатаң бақылауға алынбақ. Енді бірнеше мәрте ереже бұзған азаматтар 15 АЕК көлемінде айыппұл төлейді.

Ақпарат көзі: www.nur.kz