Жамбыл облысының фермерлері Алматыға 260 тонна өнім әкелді
Жамбыл облысының фермерлері Алматыға 260 тонна өнім әкелді
Алматыдағы «Астана» алаңында қасиетті Құрбан айт мейрамы алдында ауыл шаруышылық жәрмеңкесі өтіп жатыр. Жамбыл облысының тауар өндірушілері мегаполиске әкелген азық-түліктің бағасы 15-20%-ға төмен,-деп хабарлайды BNews.kz тілшісі. «Осы жылдың көктемінде бізде ауыл шаруашылығы жәрмеңкелерін кеңейту фестивалі басталды, оған барлық өңірлер қатысуда. Бүгін қала тұрғындары Жамбыл облысының өнімдерін сатып алуда», - дейді Алматы қаласы ауыл шаруашылығы басқармасы басшысының орынбасары Мақсат Рахметов.
Жәрмеңкеге 115 млн теңгенің 260 тонна өнімі әкелінді. Соның ішінде 40 тонна ет, 15 тонна сүт өнімі, 170 тонна көкөніс-бақша дақылдары бар.
«Тағы бірнеше жәрмеңке өткізу жоспарда бар. Астана алаңында Алматы облысының фермерлері өнімдерін әкеп сатса, қазан айында Шығыс Қазақстанның азық-түлік керуенін қарсы аламыз», - деп толықтырды Мақсат Рахметов.