Тараз. Zhambylnews — Жеміс-жидек өсіру қай ауданның болса да шаруа қожалықтарының өсіп-өркендеуіне өз үлесін қосары анық. Ауданымызға Түркия мемлекетінен «Сынырлы Сорумлу Бадемли Фиданджилык Тарымсал Калкынма кооператифи» өкілдері көпжылдық екпелердің барлық түрлерін егуге байланысты іссапармен келіп кетті,-деп хабарлайды Сарысу ауданы әкімдігінің ресми сайты.
Іссапармен келген қонақтарға аудан әкімінің орынбасары О.Көкей Байқадам ауылдық округінің аймағындағы «Ынталы» су қоймасын көрсетіп қайтты. Мұндағы мақсат ауыл шаруашылығында бақ өсірумен айналысып, көпжылдық көкөністің түрлерін көбейтіп, тауар өндірушілердің санын арттыру болып отыр.
Содан соң коорпорация өкілдері аудан әкімі Б.Жайлыбаевпен кездесіп, алдағы атқарылар жұмыстардың барысымен таныстырды. Сонымен қатар, аталмыш көпжылдық көкөністердің тұқымын өздері әкеліп, оның өсіп-жетілуін арнайы мамандардың қадағалайтынын, оларды тек сумен және электр жүйелерімен қамтамасыз ету керектігін айтты. Бағбандар қауымдастығы өз тарапынан шаруаларға қолдау көрсетуге дайындықтарын және бұл бастаманың аудандағы ауыл шаруашылық саласына үлкен көмек болатынын жеткізді.
Аталмыш коорпорация өкілі Седат Дерели мен аудан әкімі Бейбітбек Жайлыбаев меморандумға қол қойып, алдағы жұмысты бірлесе атқаруға ұйғарым жасады.
Алдағы уақытта ауыл еңбеккерлері осы инвест жобаға кеңінен қатысып, бақша мен көкөніс өсіруді қолға алса, шаруа қоржыны молая түспек.
Comments are closed.