12 жасар қыз отқа оранған үйден төрт баланы алып шықты

Марий Эл Республикасындағы Моркинск ауданында алтыншы сыныпта оқитын қыз өзінің сіңлісі мен үш інісін құтқарғаны үшін  «За отвагу на пожаре» медалімен марапатталмақ.

Бұл оқиға тамыздың аяғында Октябрьский кентінде орын алды. Өрт басталған шақта үй ішінде  бес бала жүрген. Әке-шешелері болса, жұмыста. Алайда 12 жастағы қыз асып-саспаған. Кіре берісте түтіннің будақтап  жатқанын  көрген бетте дереу асхананың терезесі арқылы барлық баланы кезек-кезегімен қолынан тартып алып, сыртқа шығарып үлгерген.

Құтқарушылар өрт орнына келгенде үй лапылдап жанып жатқан.  Өрт салдарынан үйдің орны ғана қалды. Оның шығу себебі тексеріліп жатыр.