Астана әуежайының басшылығы Г.Головкиннен кешірім сұрады

Өткен аптада кәсіпқой бокстан орта салмақтағы әлем чемпионы Геннадий Головкин елге оралып, Астана әуежайында келеңсіз жайтқа тап болғанын хабарлаған едік. Шенеуніктер мен қалаға келетін қадірлі қонақтарға арналған VIP-залға әйгілі боксшыны әуежай қызметкерлері кіргізбей қойған болатын. Осы жайтқа байланысты бүгін Астана халықаралық әуежайының әкімдігі Геннадий Головкиннен кешірім сұрап, аталған қызметкерлерге тәртіптік шара қолданғанын хабарлады.