Көрінсін тек егемен ел биіктен

Тыныштыққа кепіл болу ғаламда,
Бұйырған бақ – оған, саған, маған да.
Сертін бұзбай татулықтың бұл күнде,
Пайдамызды тигізейік қоғамға.

Жаратпасын Құдай бізді мұңды ғып,
Сенім арту – келер күнге құнды үміт.
Достық туын биік ұстау – аманат,
Достық туы – басты байлық, құндылық.

Тапқан елміз несібесін тірліктен,
Тереземіз тең әлеммен, құрлықпен.
Біз біргеміз, тілегіміз – татулық,
Ал іргеміз ажырамас бірліктен!

Мұратымыз орындалып, расталған,
Сәтті болсын, әр ісіміз басталған.
Көрінсін тек егемен ел биіктен,
Көрінсін ел зау-зау биік, асқардан!

Юлия Ким,
студент.