ҮЙ ҮЙДІ АРАЛАП...

Сарысу ауданындағы Тоғызкент ауылындағы №384 сайлау учаскесі Төреқожа атындағы мәдениет үйінде орналасқан.

Сайлаушылар қазірдің өзінде учаскеге бас сұғып, фойеге ілінген сайлаушылар тізіміне үңіліп, өздерінің бар-жоғын тексеруде. Ал мәдениет үйінде ҚР Президенттігіне үміткерлердің ақпараттық хабарламалары жайластырылыпты. – Сайлау учаскесін жабдықтау негізінен аяқталды, – дейді комиссия хатшысы Пернайым Мыңжасарова бізбен әңгімесінде, – Комиссияда жеті адам бармыз. Бәріміздің міндетіміз сараланған. Учаскенің жұмысын байқау мақсатымен құжаттармен таныстық. Бәрінің мұқият толтырылғаны байқалып тұр. – Тізім арқылы ең қарт сайлаушы мен Елбасын сайлауға тұңғыш рет қатысқалы отырған ең жас сайлаушыларға дейін анықтап қойдық, – дейді комиссия төрайымы Гүлнәр Әжібаева, – әркімнің дауысы маңызды екендігін түсіндіріп-ақ жатырмыз. Сондай-ақ, бар үміткерлердің сенім білдірген өкілдеріне де есік ашық.

Сәулембай Әбсадықұлы, «Ақ жол».

Тоғызкент ауылы, Сарысу ауданы.