Тараз қаласының Әйтиев пен Қазыбек би көшелерінің қиылысында орналасқан шағын сауда үйінің тұсынан өтсеңіз түсініксіз жайтқа тап боласыз. Аталмыш сауда үйінің атауы маңдайшасында «Заңғар» деп жазылғанымен, нысанның қабырғасына ілінген жарнамада «Зангар» деп бадырайып тұрғаны қыңжылтпай қоймайды. Орашолақ жазылған осы бір жазуға қарап, сауда үйінің атауы «Зангар ма?», әлде «Заңғар ма?» деген екіұшты ойға қалуыңыз әбден мүмкін. Тиісті орындар бұған не дейді екен?