Арнайы кітапхана зағип оқырмандарға экскурcия ұйымдастырды
Облыстық көзі көрмейтін және әлсіз көретін азаматтар кітапханасы зағип оқырмандарға экскурсия ұйымдастырды. Танымдық саяхат «IZITRAVEL» жобасы аясында «Орта ғасырлар мұрасы: Тараз өңіріндегі үш бірдей рухани ескерткіш» Тектұрмас, Қарахан, Айша бибі кесенелеріне бағытталды.
Орта ғасырлардан сақталған бірегей рухани-мәдени мұралар Тектұрмас кесенесі, Қарахан баба және Айша бибі кесенесі ескерткіштерін таныстыру, олардың тарихи және рухани маңызын насихаттау мақсатында зағип жандарға қолжетімді әрі заманауи танымдық орта қалыптастыру көзделген.
Саяхатқа қатысушыларды көлікпен қамтамасыз етуге «Ақ Сұңқар» жастар қоғамдық бірлестігі демеушілік көрсетті.
Саяхатқа қатысушылар барған орындарының тарихы туралы «IZITRAVEL» бағдарламасынан тыңдап, бабалар рухына Құран бағыштады.
Саяхатқа қатысушы зағип оқырмандар «IZITRAVEL» қосымшасы арқылы өз смартфондарының көмегімен кесенелер туралы аудио форматтағы мәліметтерді өз бетінше тыңдауларына болады. Бұл олардың тәуелсіз түрде ақпарат алуына мүмкіндік беріп, мәдени мұраны қолжетімді әрі инклюзивті түрде меңгеруге жағдай жасайды. Осылайша, жоба инклюзивті туризмді дамытуға, цифрлық технологияларды тиімді пайдалануға және тарихи мұраны баршаға тең дәрежеде қолжетімді етуге кең жол ашып отыр.
Қамар ҚАРАСАЕВА