«Қызғалдақ мұра» халықаралық фестивалі биыл қалай өтеді?

Шетелдіктер мен отандастарымыздың жүрегін жаулап алған табиғат аясындағы «Қызғалдақ мұрасы» фестивалі биыл да өз жалғасын тауып отыр. 25 сәуірге белгіленген фестиваль бұл жолы да Талас ауданына қарасты Есейхан ауылы маңында ұйымдастырылады. Бұл іс-шара Нидерланд, Түркия және Канада мемлекеттерінде өтетін әлемге танымал қызғалдақ фестивальдерімен деңгейлес, жыл сайын ұйымдастырылатын ірі халықаралық мәдени-туристік жобалардың бірі болып табылады.