Ауыл шаруашылығы өнімдерінің экспорты 7 миллиард долларға жетті

Еліміз бойынша ауыл шаруашылығы саласында соңғы жылдары өсім динамикасы қалыптасып отыр. ҚР Ауыл шаруашылығы вице-министрі Ербол Тасжүреков Қазақстан Республикасының Орталық коммуникациялар қызметі алаңында өткен баспасөз мәслихатында айтқанындай, өткен жылдың қорытындысы бойынша ауыл шаруашылығының жалпы өнім көлемі 5,9 пайызға өсіп, 9,8 триллион теңгені құраған. Жалпы өсім өсімдік шаруашылығында да, мал шаруашылығында да байқалды. Мәселен, республика көлемінде таза салмақта 25,9 миллион тонна астық жиналса, оның 19,3 миллион тоннасы бидай. Ал майлы дақылдардан жиналған өнім рекордтық 4,8 миллион тоннаны құраған, сондай-ақ бұршақты дақылдардан бір миллион тоннадан астам өнім жиналған.