Электр энергиясын тұтыну еселеп өсіп келеді
Мемлекет басшысы биылғы жылды Цифрландыру және жасанды интеллект жылы деп жариялады. Президент Жолдауында айтылған міндеттерді іске асыру аясында сан салада серпінді жұмыстар жүріп жатыр. Осыған орай Энергетика министрлігі жалпы қуаты 15 гигаваттан асатын 81 жобаны іске асырудың практикалық кезеңіне көшуде. Жауапты министрліктің мәліметінше, 13 триллион теңгеден асатын инвестициялардың едәуір бөлігі электр қуаты нарығының тетіктері арқылы тартылмақ.
Өткен жылдың қорытындысын саралаған баспасөз мәслихаты барысында Энергетика министрі Ерлан Ақкенженов электр энергиясын өндірудің айтарлықтай өскендігін атап өткен болатын. Оның сөзінше, 2000 жылдардың басында елімізде электр энергиясын өндіру жылына шамамен сағатына 50 миллиард киловатт құраса, өткен жылдың қорытындысы бойынша бұл көрсеткіш сағатына 117,9 миллиард киловатт жетті. Ал осы жылы шамамен сағатына 122 миллиард киловатт өндіру жоспарланған. Осылайша елімізде соңғы 25 жыл ішінде электр энергиясын тұтыну 2,5 есеге өскен. Осыған сәйкес, жауапты атқарушы органда қуаттарды арттыру және электр қуатын өндіруді ұлғайту бойынша нақты жоспар әзірленген. Бұл бойынша 2035 жылға дейін электр энергиясын өндіру көлемін іс жүзінде екі есеге арттыра отырып, жаңа қуаттарды енгізу және қолданыстағы қуатты жалпы 26,4 гигаваттқа реконструкциялау жоспарлануда.
Министрдің сөзінше, салада отын-энергетика ешенінің негізгі процестеріне жасанды интеллект технологияларын жүйелі түрде енгізіп келеді.
Бүгінде аталған шешімдердің барлығы пилоттық режимде сынақтан өтіп, жоғары тиімділігін көрсеткен. Сондықтан алдағы уақытта басым бағыттардың қатарында ЖИ-де фектоскопиядағы ақаулар классификаторларын кеңейту, магистральдық құбыр жолдарда құбырішілік диагностика технологияларын енгізу, сондай-ақ газ саласындағы цифрлық сервистерді одан әрі дамыту жолға қойылмақ.
Нұрболат АМАНБЕК