Табиғат байлығын игеру – энергия тиімділігін арттыруға серпін береді
Бүгінде дамудың даңғыл жолына түскен әлем елдерінің дені «Жасыл экономика» саясатын жүзеге асыруға айрықша басымдық беріп отыр. Бұл бағытта біздің мемлекетіміздің де арнайы тұжырымдамаға негізделген жоспарлары бар. Энергия ресурстарын үнемді пайдалану – ел дамуының стратегиялық басым бағыттарының бірі. Электр энергетикасы саласында энергия тиімділігін арттыруда қосалқы электр стансаларының рөлі ерекше. Олар электр энергиясын тасымалдау мен тарату барысында болатын шығындарды азайтып, тұтынушыларды сапалы әрі тұрақты электр қуатымен қамтамасыз етуге мүмкіндік береді. Мемлекет басшысы Қасым-Жомарт Тоқаев Түркі мемлекеттері ұйымының ХІІ саммитінде бүгінде энергетика мәселесіне баса мән беру керек екенін айрықша атап өткен еді.