«Адал табыс тауып жүргенімді мақтан тұтамын»
Еден жуушы туралы көп жазыла бермейді. Бірақ біздің жайлы жұмыс орнымыздың тазалығын қамтамасыз етіп, бөлмемізге жайлылық сыйлайтын жандар қашанда үлкен құрметке лайық. Өкінішке орай, кейде білімді, көкірек көзі ояу, парасатты деген кейбір азаматтардың техникалық қызметкерлерге жиіркенішпен қарайтыны бар. Бір ұжымда отырып, оларды бөлетінін қайтерсің. Президентіміз Қасым-Жомарт Тоқаевтың өткен жылды Жұмысшы мамандықтары жылы деп жариялауы оларға деген құрметті арттырып, санаға сілкініс әкелгені айқын.
Еден жуып жүргеніне ширек ғасырдан асқан Гүлсім Кубеева өз кәсібіне мақтанышпен қарайды.
Оның Қаратау қаласындағы мектеплицейде жұмыс істеп келе жатқанына 25 жыл болыпты. Еңбек жолын «Балдырған» балабақшасында тәрбиешінің көмекшісі болып бастаған Гүлсім апай кейін тон тігу цехында тігінші болып істеген. Милиция бөлімінде де жұмыс атқарған екен.
Еңбегі ескерусіз емес. Зейнетке шығуына екі жыл қалған Гүлсім апайды әріптестері де адалдығы үшін жақсы көреді.
Марат ҚҰЛИБАЕВ
Талас ауданы