Үш жылдан бері сұрап жүрген аялдамаға қашан қол жеткіземіз?
Басылым үшін оқырманнан келген хат әрдайым құнды. Редакция қоржынына келетін хаттарда түрлі түйткілді мәселені арқау еткен оқырман базынасы бар. Дәл осындай хат Тараз қаласының тұрғыны, ІІ топ мүгедегі Аралбек Тонбаевтан келді.
Оқырман хатында: «Тараз қаласындағы Шерхан Мұртаза көшесінде тұрамын. Үйім облыстық жұқпалы аурулар ауруханасының қасында болса да, бұл маңайда жақын жерде аялдама жоқ. Жалғыз №11 маршруттан басқа автобус жүрмейді. Тұрғындардан бөлек, аталған ауруханада жұмыс істейтіндер мен науқастар және науқастарға келетін жақын-жуықтары үшін де қоғамдық көлік керек-ақ.
Бұл мәселені қала әкіміне 2023 жылы жазғанмын, содан бері әлі нәтижелі шешімге жете алмай келеміз. Өзімнің де денсаулығыма байланысты жүріп-тұруым қиын, түрлі жұмыстарыммен әкімдікке, Халыққа қызмет көрсету орталығына, банктер секілді мекемелерге баруға автобустан қиналамын. Мәселен, №17, 38, 50 бағыттағы автобустарды осы жұқпалы аурулар ауруханасы арқылы жүргізсе, мәселеміз шешілер еді. Сонымен қатар мүгедектерге де жолақысын оқушылардікімен бірдей етсе деген тілегіміз бар» деп жазылған.
Біз бұл мәселе бойынша Тараз қаласы әкімдігінің тұрғын-жай коммуналдық шаруашылық, жолаушы көлігі және автомобиль жолдары бөліміне хабарластық.
Тараз қаласы