Тіл үйреніп, мамандық меңгергеннің жолы қашанда ашық
Талпынған табысқа жетеді. Еңбек етіп, елінің қажетіне жарау – әр адамның басты мақсаты. Ал жаңаны үйреніп, еңбектену жетістікке жеткізетінін өмір өзі көрсетіп жүр. Бүгінде «QazaqGaz» барлау және өндіру жауапкершілігі шектеулі серіктестігінде пультпен басқару операторы болып жұмыс істейтін Нұржан Дәрібаев бұл істің қырсырын бастапқыда Пекинде оқып, меңгеріпті. Жаңалыққа құштар жас талапкер әуелі тіл үйренуді көздейді. 2009 жылы Қытай мемлекетінің Сиань қаласында «Бо-Ай» тіл үйрету мектебінде оқиды.
Ұжымында өз ісін жетік білетіндігімен сыйлы Нұржан Юлдашбайұлы бүгінге дейінгі 9 жылдық тәжірибесінде бірнеше жұмысты атқарып, мамандығына әбден машықтанған.
Мұнай-газ саласының қыр-сырын үйренуге оның түрлі қызметтерді атқарғаны әсер етсе керек. 2016 жылдың шілде айынан 2017 жылдың наурыз айына дейін 2-ші категориялы инженер болған ол кейін жұмысын «Амангелі газ өңдеу зауыты» жауапкершілігі шектеулі серіктестігінде іс-тәжірибеден өтіп, осы зауытта 2017 жылдың тамыз айынан 2019 жылдың қыркүйек айына дейін қара түсті мұнай өнімдерінің резервуарлар паркінің операторы қызметін атқарған.
Кейін 2019 жылдың қыркүйек айынан бастап, 2020 жылдың желтоқсан айына дейін «Амангельді Газ» серіктестігінде жөндеу слесарі болып жұмыс істейді. Ал 2020 жылдың желтоқсан айында «QazaqGaz» барлау және өндіру жауапкершілігі шектеулі серіктестігіне газ жинау және дайындау операторы болып жұмысқа келеді. Өткен жылдың тамыз айына дейін сол қызметті атқарған ол аталған серіктестікте пультпен басқару операторы қызметіне ауысқан. Қазіргі уақытта бір шаңырақтың иесі болып отырған Нұржан әке ретінде балаларын да еңбекқорлыққа тәрбиелеуді ұстанады.
Жұбайы Айшабибі Ержанқызы да Түркістан облысының Біртілек ауылында жұмысшы отбасында дүниеге келген. Өзі де кішкентайынан еңбекке араласып өскендіктен білімге, кәсіп үйренуге жақын болыпты. Әкесі Юлдашбай Дәрібаев та мұнай-газ саласының ардагері. Жұмысшы мамандығының қадірін білген бұл отбасы еңбекқорлықты өз ісәрекеттерімен дәріптеп келеді.
Қамар ҚАРАСАЕВА