Балалық шақта таңдаған кәсіп
«Шын мәнінде қандай жұмыс істеп жүргенің емес, оны қалай істеп жүргенің әлдеқайда маңызды. Ең бастысы әркім өз міндетін адал атқаруы керек», – деп Президентіміз Қасым-Жомарт Тоқаев айтпақшы, осы бағалау биігінен ортамызда көрініп жүрген еңбек адамдары көп. Сондай талаптан шыққан жан – Т. Рысқұлов ауданы Болтай батыр атындағы орта мектебінің электригі Марат Нұрбаев.
Ол мектепті бітірісімен 1978 жылы Шымкент энергетикалық техникумына оқуға түсіп, оны «Электрик-техник» мамандығы бойынша тәмамдайды. Сөйтіп туған жерге қайта оралып, мамандығы бойынша жұмысқа орналасады. Осы салада міне, еңбек етіп келе жатқанына қырық жылдан асыпты.
Электрик бүгінгі күні тапшы әрі қауіпті мамандық. Бұл мамандыққа жастар көп бара бермейді. Сондықтан болар бүгінгі таңда оларды алмастыратын мамандар жоқтың қасы. Жұмыс істеп жүргендердің өзі зейнет жасына жақындап, тіпті асып кеткен адамдар.
Әріптестері де, мектеп ұжымы да оның жұмысына дән риза.
Шолпан САБАНОВА
журналист.
Т. Рысқұлов ауданы