Отандық өнімнің үлесі артып келеді
Президент тапсырмасымен елімізде шағын және орта кәсіпкерлікті дамытуға елеулі көңіл бөлінуде. Әсіресе кенжелеп қалған жеңіл өнеркәсіпті дамыту биліктің алдында тұрған маңызды міндеттің бірі. Бұл істе жеке кәсіпкерлерге «Даму» қорының көрсетіп отырған қолдауы мол. Бүгінгі күні аталған қор кәсіпкерлер үшін сенімді серіктеске айналған. Қордың көмегіне жүгінген жеке кәсіпкердің бірі «Ellin Shoes» жауапкершілігі шектеулі серіктестігі қазіргі таңда өндіріс мүмкіндігін 40 пайызға арттырған.
Серіктестік директоры Переклис Скумпнистің айтуынша, зауыт ерлердің былғары аяқ киімін шығарумен айналысады. Ellin Shoes бренді нарықта өзін сапалы әрі халық үшін қолжетімді аяқ киім өндіруші ретінде көрсетіп отыр.
Биыл компания заманауи өндірістік құрал-жабдықтарды сатып алу үшін «ForteBank» АҚ арқылы несие алды. Бұл қолдауға серіктестік «Даму» қоры арқылы қол жеткізген болатын. Қолдау «Кепілдік беру қоры 1» бағдарламасы шеңберінде портфельдік кепілдік беру құралының арқасында мүмкін болды. Кредиттің жалпы сомасынан «Даму» қорының мемлекеттік портфельдік кепілдігімен қамтамасыз етілген. Бұл компанияға кредиттік тәуекелдерді едәуір азайтуға, кредит сомасын ұлғайтуда үлкен жәрдем. Бұл қаржылық қолдау бүгінгі күні компанияның мүмкіндігін арттырып отыр. Компания мамандары күнделікті киетін аяқ киімнен бастап, тұтынушылардың сұранысындағы талғамы жоғары былғары аяқ киім өндірісіне мамандандырылған.
Марат ҚҰЛИБАЕВ
Тараз қаласы