Жазатайым жағдай салғырттықтан болады
Мемлекеттің негізгі байлығы халқы десек, экономиканы ілгерілету сол халықтың еңбегімен жүзеге асатыны белгілі. Сондықтан да мемлекет еңбеккерлердің құқығын қорғауға баса назар аударады. Биыл «Жұмысшы мамандықтары жылы» аталуының да астарында осы мағына жатса керек. Мемлекет басшысы Қасым-Жомарт Тоқаев жақында ғана халыққа жариялаған Жолдауында еңбеккерлерге деген құрметтің арта беретінін айтты. Мемлекет басшысының сөзі еңбеккерлердің құқығы қашанда қорғалатынын көрсетеді.
Өңірімізде жұмысшылардың құқығы қалай қорғалып жатқанын облыстағы Еңбек инспекциясы басқармасынан сұрадық.
Сондай-ақ жұмыскерлердің еңбек құқықтарының бұзылу тәуекелін бағалау және оның алдын алу мақсатында департамент скорингтік модельдің мүмкіндіктерін кеңінен пайдаланып келеді. Биылғы 9 ай ішінде жоғары тәуекел деңгейіндегі кәсіпорындар саны 58-ді құрап, жыл басымен салыстырғанда 22,9 пайызға, 16 кәсіпорынға азайған.
Жазатайым оқиғалардың негізгі себептеріне тоқталсақ, 18 жағдай жұмыс берушінің еңбекті дұрыс ұйымдастырмауынан болған. Ал 5 жағдай жұмыскердің қауіпсіздік талаптарын өрескел бұзуынан, тағы 5 жағдай жұмыс беруші мен жұмыскердің теңдей жауапкершілігінен орын алған.
Жұмысшылар үшін жылына бір рет алуға құқылы еңбек демалысы да маңызды. Бұл заң аясында қалай жүзеге асатынын департаменттің еңбек саласын бақылау және талдау бөлімінің басшысы, мемлекеттік еңбек инспекторы Жанат Мұхатаева түсіндірді.
Кез келген еңбеккер жұмыс барысында заңсыздыққа ұшыраса, Еңбек инспекциясына хабарласып, өз құқығын қорғау жөнінде тегін кеңес ала алатынын да айта кеткен жөн.
Қамар ҚАРАСАЕВА