Бізде мықты мұғалімдер көп
Елордада Amanat партиясының Мұғалім “talks” кейс- платформасының отырысы өтті. Мұғалім мен оқушыны жалғаған адалдық пен білім алаңында ерекше көзге түскен педагогтерге ведомстволық наградалар табысталды. Оның қатарында Тараз қаласындағы Төле би атындағы №8 гимназия ұстазы Жанар Алдатаева Оқу-ағарту министрі Жұлдыз Сулейменованың қолынан Ы.Алтынсарин төсбелгісін алды.
Еліміздің барлық өңірінен 300-ден астам мектеп мұғалімі, колледждер мен жоғары оқу орындарының оқытушылары, студенттер, ғалымдар, білім беру саласының ардагерлері мен сарапшылар қауымы партияның «Мұғалім Talks» кейс-платформасының екінші отырысында бас қосты.
Талқылау тақырыбы – жасанды интеллект дәуіріндегі мұғалімнің рөлі мен білім беру саласындағы инновация. Ал Қазақстандағы 600 мың мұғалімнің 260 мыңға жуығы партия мүшелері. Олар әрдайым қоғамдық өмірде белсенді. Біз осы шараның ортасында болып, марапат алған Төле би атындағы №8 гимназияның биология пәнінің мұғалімі Жанар Даниярбекқызын әңгімеге тартқан едік.
Ал педагог шебер, биология ғылымдарының магистрі Жанар Алдатаева жиырма жылдан бері облыс орталығындағы Төле би атындағы №8 гимназияда биология пәнінен сабақ беріп келеді.
Ерман ӘБДИЕВ