Коммуналдық қызмет көрсететін мекемелердің жағдайы қалай?
Жамбыл өңіріне іссапармен келген Қазақстан Республикасы Энергетика вице-министрі Қайырхан Тұтқышбаев М.Х.Дулати атындағы Тараз университетінде жергілікті басқарма басшылары және кәсіпкерлермен кездесіп, жаңа Салық кодексінің нормаларын түсіндіріп, экономикалық саясаттың жаңа бағыттары туралы айтты. Жиынды облыс әкімінің орынбасары Серік Сәлемов жүргізіп отырды.
Алғаш сөз алған вице-министр Қайырхан Тұтқышбаев:
Бұл шаралар тауарлық және сұйытылған газ өндіру саласындағы шығынды азайтып, өнімнің өзіндік құны деңгейіне жеткізуге бағытталған. Мысалы, зауыттарда бір тонна газды өндіру құны шамамен 80 мың теңге болса, нарықта ол 64-65 мың теңгеден сатылады, яғни әр зауыт тоннасына 15-20 мың теңге көлемінде шығынға ұшырайды. Осыған байланысты Үкімет пен ұлттық компаниялар зауыттардың инфрақұрылымын жаңғыртуға және қызметкерлердің әлеуметтік жағдайын жақсартуға қолдау көрсетуде. Сондай-ақ жиында Табиғи монополияларды реттеу комитетінің облыстық департаменті басшысының міндетін атқарушы Қалдыбай Мүсілім аймақтағы ірі энергия өндіру кәсіпорындарының тариф саясатына қатысты мәселелерін баяндады.
Бұдан кейін Мемлекеттік кірістер комитеті төрағасының орынбасары Жәнібек Нұржанов, Сауда комитеті төрағасының орынбасары Ернұр Жәутікбаев және басқа да салалық министрлік өкілдері қатысушыларға еліміздің қаржыэкономикалық бағытына енгізіліп жатқан өзгерістердің бизнес пен өндіріс салаларына тигізетін ықпалы, салық мәселесі жайын түсіндірді. Өз кезегінде кәсіпкерлер тарапынан сауалдар қойылып, оларға тұшымды жауап қайтарылды.
Қайырхан Тұтқышбаев жұмыс сапары барысында «Таразжылуэнергоорталығы» акционерлік қоғамына барды. Аталған жылу тарату мекемесінің басшысы Жұмабек Бөлекбаев вице-министрге кәсіпорын жұмысын таныстырды. Кәсіпорын 2018 жылы сенімгерлік басқаруға беріліп, 2022 жылы қайтадан мемлекет меншігіне қайтарылған. Кәсіпорын мемлекет меншігіне қайтарылған кезде кәсіпорынның едәуір қарызы жинақталған.
Вице-министр кәсіпорынға қолдан келгенінше көмек көрсетілетінін айтты.
Ерман ӘБДИЕВ