Он мың түп қарағаш егілді
Өткен сенбіде Мемлекет басшысының қатысуымен «Таза Қазақстан» жалпыұлттық экологиялық акциясы ұйымдастырылды. Атаулы акциядан жамбылдықтар да тыс қалған жоқ. Акция аясында Тараз қаласының «Жібек Жолы» ауданы, «Қызыл-Абад» алабына 10000 түп қарағаш егілді. Оған облыс әкімі Ербол Қарашөкеев бастаған мемлекеттік қызметшілер мен еріктілер тобы, жалпы саны 500-ден асып жығылатын адам қатысты.
Шараның мақсаты – өңірдің экологиялық ахуалын жақсартып, жасыл желекті көбейту және тұрғындардың табиғатқа жанашырлық көзқарасын қалыпт астыру болып табылады. Аймақ басшысы «Жібек Жолы» ауданына қарасты «Қызыл-Абад» алабында өз қолымен ағаш егіп, акцияның маңыздылығына тоқталды.
Сондай-ақ акция барысында Тараз қаласының әкімі Бақытжан Орынбеков өңірде атқарылған абаттандыру жұмыстарының ауқымына тоқталып, маңыздылығын атап өтті.
Талғат ТАЛАПҰЛЫ