Кадр тапшылығын шешуде кешенді шаралар қабылдануда
Елімізде дәрігер мамандықтарының тапшылығы жиі айтылып жүр. Мұндай мәселе біздің облыста да бар. Осы олқылықтың орнын толтыру үшін кешенді іс-шаралар қолға алынып отыр. Оның дәлелі ретінде жергілікті бюджет есебінен жоғары және жоғары оқу орнынан кейінгі білімді мамандарды даярлауға арналған гранттар жыл сайын бөлінетінін айтуға болады.
Облыс әкімдігінің денсаулық сақтау басқармасының мәліметінше, 2019-2024 жылдар аралығында резидентураға барлығы 157 грант қарастырылған. Ал 2025-2026 оқу жылына еңбек нарығының қажеттілігін ескере отырып, тағы 31 грант бөлініпті.
Айта кетейік, әлеуметтік қолдауларға ие болған маман барған елді мекенінде 5 жыл қызмет етуге міндетті.
Қамар ҚАРАСАЕВА