Сатушы үшін де, алушы үшін де қолайлы
Өткен сенбіде Тараз қаласындағы орталық алаңда ауыл шаруашылығы жәрмеңкесі өтті.
Жәрмеңкеде баға нарықтағыдан 20-25 пайыз төмен болғандықтан, бұл тұрғындар үшін қолайлы болды. Мәселен, алманың килограмы – 350, картоп пен сәбіз – 150, қызылша мен қырыққабат – 200, қияр – 300, қызанақ –150, асқабақ – 150, пияз 100 теңгеден ұсынылды. Үй қаймағы – 2200, сары май – 4000, айран мен сүт – 300, сүзбе мен құрт 1300 теңгеден өткерілді. Ірімшік килограмының 3000 теңгеден бағалануы да көпшілік көңілінен шықты. Ал жылқы мен қой етінің килограмы – 3400, жылқы еті 3100 теңгені құрады.
Тараз тұрғындарының мұндай арзан бағаны еш жерден таба алмайтыны да рас. Бұл әкімшілік және азық-түлік өнімдерін өндіруші кәсіпорындар мен шаруа қожалық тарапынан тұрғындарға жасалып жатқан тікелей қамқорлық. Сондықтан болар жәрмеңкеде сауда жасауға келген тұрғындардың қарасы қалың болды. Сөмкесөмке азық-түлік алып жатқан тараздықтар сауда көркін қыздырды. Олардың көңілкүйлері жоғары.
Қымыз, шұбат, сүт өнімдерін саудалап жатқандар да аз емес. Осылайша, биылғы күздің алғашқы жәрмеңкесі қызу саудаға толы болды. Алдағы апталарда Тараз қаласының телеорталық аймағында, шағынаудандарда жәрмеңке жалғасын табатын болады.
Есет ДОСАЛЫ