Қауіпті маусымда 47 орман өрті орын алды
Облыс аумағындағы мемлекеттік орман қорының жалпы жер көлемі 4 миллион 425 мың гектар, оның ішінде орманмен қамтылған жерлер 2 миллион 311 мың гектарды құрайды. Орман қоры жерлері облыс аумағының 30,8 пайызын алып жатыр. Мемлекеттік орман қоры учаскелерінде орман қорын күзету, қорғау, пайдалану, ормандарды молықтыру және орман өсіру ісін басқармаға бағынысты 15 орман шаруашылығы мекемесі жүргізеді.
2025 жылы облыс аумағында мемлекеттік орман қорында өрт қаупі бар маусым 26 наурыздан бастап белгіленді.
Бұл туралы өңірлік коммуникациялар қызметінің ақпарат алаңында «Мемлекеттік орман қоры жерінде өрт қаупі маусымының өту барысы» тақырыбында өткен баспасөз конференциясында облыс әкімдігінің табиғи ресурстар және табиғат пайдалануды реттеу басқармасының басшысы Нартай Егембердиев баяндады.
Aq jol-Aqparat