Тараздық 350 жігіт әскерге барады
Биылғы жылдың 1 қыркүйегінен бастап елімізде 18 жасқа толған жастарды әскер қатарына шақырудың күзгі науқаны басталды. Бұл науқанның алдыңғы науқандардан басты ерекшелігі – шақырту енді SMS-хабарлама арқылы немесе eGov электрондық үкімет порталындағы азаматтың жеке кабинетіне хабарландыру жіберу арқылы жүзеге асырылады.
Дәлірек айтқанда, мерзімді әскери қызметке шақыру ісі цифрлық форматта жүзеге асатын болады. Өйткені шақыруға жататын азаматтарға күнтізбе бойынша SMS-хабарлама немесе eGov порталы арқылы жеке кабинетке жіберу – заңнамалық негізде бекітілді. Сәйкесінше осындай қадам шақыру туралы ақпаратты уақытылы алуды қамтамасыз етеді және қағаз құжаттардың жоғалу қаупін болдырмайды. Тек әскери қызметке жарамды және шақыруға объективті кедергісі жоқ жастар ғана шақыртылады.
Бұл негізсіз шақыруларды азайтады, шақырылушылар мен жергілікті әскери басқару органдарының уақытын үнемдейді және бүкіл процесті анағұрлым ашық етеді. Медициналық тексеруден өту процесі де цифрлануда. Шақырылушының тіркелген емханаларға жүгіну тарихы, диагноздары мен диспансерлік есебі – барлығы цифрлық түрде әскери-дәрігерлік комиссия (ӘДК) дәрігерлеріне қолжетімді болады. Мұның алдында жариялағанымыздай, атаулы науқанға облысымыздан барлығы 1500 адам тартылады деп көзделген, соның 350-і Тараз қаласының еншісіне тиесілі.
Науқанның төртінші күні Тараз қаласының Қорғаныс істері жөніндегі басқармасына (қалалық әскери комиссариатқа) қала бойынша күзгі шақырылымға іліккендердің алғашқы легі келіп, медициналық комиссиядан өте бастады. Оларға комиссия төрағасы, «Арай» медициналық орталығы» мекемесі бас дәрігерінің емдеу-профилактикалық жұмысы жөніндегі орынбасары Талант Шалқарбай бастаған «Жамбыл облысы Тараз қаласының Қорғаныс істері жөніндегі басқармасы» мемлекеттік мекемесінің бастығы, подполковник Ербол Өтебаев, Тараз қаласының полиция басқармасы бастығының бірінші орынбас ары, полиция полковнигі Нұржан Керебаев және «Арай» медициналық орталығының мейірбикесі Рабиға Нұрқадырова секілді білікті мамандары бар комиссия мүшелері медициналық тексеріс жүргізді.
Мамандар шақырылғандардың тек денсаулықтарына ғана назар аударып қоймай, олардың әрбіріне әскери қызметті жақсы аяқтаған жағдайда еліміздегі жоғары оқу орындарына тегін қабылдануға мүмкіндік берілетіндігін де жеткізді.
Біз науқан күні медициналық тексеруден өтіп жатқан Абдулазиз Дайрабаев есімді азаматты кезіктіріп, сөзге тарттық.
Ол біздің алдымызда:
Талғат ТАЛАПҰЛЫ