Білім нысандарының қауіпсіздігі - басты назарда

Мемлекеттің басым міндеттерінің бірі – балалар мен жасөспірімдер үшін білім беру объектілерінде тәрбиелеудің, оқытудың, демалудың қауіпсіз жағдайларын қамтамасыз ету. Жергілікті атқарушы органдар, білім бөлімдері өкілдерінен тұратын мониторингтік комиссиялар білім беру объектілерінің жаңа оқу жылына дайындығын тексеріп, барлық қауіпсіздік шаралары жасалып, жаңа оқу жылы үлкен дайындықпен басталды. Санитариялық-эпидемиологиялық бақылау органдарымен чек-парақтар әзірленіп, санитариялық-эпидемиологиялық талаптарды сақтау мәселесі бойынша консультациялар өткізілгенін облыстық санитариялықэпидемиологиялық бақылау департаментінің басшысы Байділда Шиналиев мәлімдеді. Облыстағы 520 мектептің 4 мектеп-бақшасы мен 8 мектеп-интернатты қоса алғанда, барлығы мониторингпен қамтылған.