Аймақта 38 арнаулы қызмет көрсететін ұйым лицензияланды
Облыста бүгінгі күні 38 арнаулы қызмет көрсететін ұйым лицензияланды, оның ішінде 26-сы мемлекеттік мекемелер болса, 12-сі үкіметтік емес ұйымдар. Жалпы қызмет алушылардың саны 4317 адам. Лицензия алған ұйымдардың 7-і толық стационар, 15-і жартылай стационар, 4-і уақытша болу түріндегі, 14-і үй жағдайында қызмет көрсететін ұйымдар.
Бұл туралы өңірлік коммуникациялар қызметінің ақпарат алаңында «Арнаулы әлеуметтік қызметтер көрсететін ұйымдарды лицензиялау барысы туралы» өткен баспасөз конференциясында Еңбек және әлеуметтік қорғау комитетінің облыс бойынша департаментінің басшысы Аслан Оразбеков баяндады.
2025 жылғы 1 қаңтардан бастап Қазақстанда халықты әлеуметтік қорғау саласына арнаулы әлеуметтік қызметтерді (АӘҚ) лицензиялау енгізілді. Лицензиялау көрсетілетін арнаулы әлеуметтік қызметтердің сапасын арттыру, мүгедектігі бар адамдарды және көрсетілетін қызметті алушылардың өзге де санаттарын әлеуметтік оңалтудың тиімділігін көтеру үшін жағдайлар жасайды, сондай-ақ осы саладағы бұзушылықтар санын азайтуға оң ықпал етеді.
Талғат ТАЛАПҰЛЫ