Зеңбірегін сүйреп, Берлинге жаяу жеткен жауынгер
Күні кеше елімізде Жеңістің 80 жылдық мерейтойы кең көлемде аталып өтілді. Осы күні ғасыр аманаты болған көзі тірі майдангерлерге құрмет көрсетіліп, ел ертеңі үшін күрескен боздақтар рухына тағзым жасалды. Олардың өшпес мұралары мен тарихи еңбектері жастарға жыр болып айтылып, ерлердің есімі тарих сахнасында тағы бір мәрте жарқ етті. Солардың қатарында саналы ғұмырында еліне деген адалдық туын жоғары көтеріп өткен Досым Қалиев те бар.
Досым Қалиев 1922 жылы Қордай ауданы, Әлжан ана ауылында дүниеге келген. 18 жасында Қызыл әскер қатарына алынып, атты кавалериялық әскер сапында борышын өтеп жүрген Досымды келесі жылы Ұлы Отан соғысы басталған тұста Мәскеу түбіне жөнелтеді. Онда ол зеңбірекші ретінде алты айлық даярлықтан өтіп, 1-ші Украин майданы құрамында соғысқа кіреді. Төрт жылдық қана білімі болса да, сұм соғыстың бар қайғы-қасіретіне төтеп беріп, табандылығының арқасында артилерист болып шыққан ол талай тағдыршешті майдандарда от басып, Отан үшін жан аямай күресті.
Сарбаздың соғыстағы жылдары туралы майдангердің ұлы Қырғызбай Қалиев:
1946 жылы, Ұлы Отан соғысы аяқталғанына бір жыл толғанда Досым Қалиев еліне оралып, «Конезавод – 96» кеңшарында ферма бригадирі, ауылдық кеңесте хатшы болып қызмет атқарады. Қоғамдық жұмыстардың бел ортасында жүрсе де майдангер бұрынғы қаруластарынан хат алып, өзге де жауынгерлермен ұдайы байланыста болған.
Қайда жүрсе де ел арасында сый-құрметке ие болған майдангердің ерен еңбегі елеусіз қалмады. Ол жанкешті жылдардағы өрлік пен ерлігі үшін «II дәрежелі Ұлы Отан соғысы ордені» мен Варшаваны, Берлинді алғаны үшін, Германияны жеңгені үшін және үш дүркін «Ерлігі үшін» медальдарымен марапатталды.
Нұрболат АМАНБЕК
Қордай ауданы