Дипломдық жұмысына желтоқсан көтерілісін арқау еткен жас
Қоғамда көзқарастар әртүрлі. Біреу көз алдындағы көрініп тұрған нәрселермен өмір сүрсе, кейбіреу тарихқа терең үңіледі. Ондай азаматтар айналаға басқаша көзбен қарайды. Жастар әсіресе жалындап, жаңалық іздеп, жаңашылдыққа ұмтылып тұрса, қанекей! Елімізді алға апаратын жойқын күш иесі де – белсенді жастар. Сондай жастың бірі – М.Х.Дулати атындағы Тараз университетінің жаратылыстану ғылымдары факультетін тарих пәні мұғалімдерін даярлау мамандығы бойынша бітіріп, қолына дипломын алған Құттыбек Әшірхан.
Біз айтқалы отырған ерекше жағдай Құттыбектің дипломдық жұмысында болып тұр. Ол дипломдық жұмысын «1986 жылғы желтоқсан көтерілісінің тарихи маңызы» деген тақырыпта жазып шықты. Яғни, студенттер түгілі мүйізі қарағайдай ғалымдар мен қайраткерлердің батылы бара бермейтін тақырыпқа тәуекел етті. Әуелі ұстаздары арасында да Құттыбек Әшірханды таңдаған тақырыбына қатысты қорқытып үркіткендер де болыпты.
«Мынау тақырыбың өтпей қалып, басқа тақырыпты жазуға үлгере алмай қалып жүрме?» деп ескерту жасағандар да аз болмаған. Бірақ, жас жігіт алған бетінен қайтпапты. Онысы дұрыс. Еркін елде ғұмыр кешіп жатырмыз. Ел тарихының әр парағы шындық болып ашылуы керек. Желтоқсан тақырыбы да солай. Бүгін Құттыбек жазбаса, ертең басқа бір жүрек жұтқан студент жазатын еді. Осыны түсінген Қ.Әшірхан алдынан қанша кедергі шықса да өзі таңдап алған осы тақырыбында табандап тұрып алыпты. Ол бізге бұл тақырыпты қалай таңдағаны туралы айтып берді.
Құттыбек Әшірхан дұрыс айтады. Желтоқсан кезіндегі жағдайды осы кезге дейінгі аз ғана мәліметпен доғара салуға болмайды. Оқиғаның нағыз шындығы айтылып, ақиқаты ашылуы керек. Сонда біздің тарихымыз түгенделіп, болашаққа деген қадамымыз жарқын болады. Құттыбек Нұрғалиұлы «дипломдық жұмысымда 1986 жылғы жағдайды «Желтоқсан көтерілісі» деп дәлелдеп шықтым», – деді. Енді сол жағына назар аударсақ.
Біз осы орайда желтоқсанның нағыз қаһарманы, сол жағдайдың кезінде ату жазасына кесілген Мырзақұл Әбдіқұлов ағаймен хабарласқан едік.
Біз ешқандай кедергіге қарамай желтоқсан тақырыбында дипломдық жұмыс жазып шыққан Құттыбек Нұрғалиұлы үшін қуандық. Мейлі, аталған тақырыпты еліміз бойынша екінші болып жаза берсін. Құттыбектің де ісі құптарлық қадам. Оны бағалап жатқандар да аз емес.
Әзірге Тараз шаһарынан Құттыбек Нұрғалиұлына осындай қолдаулар бар. Бәлкім, қала мектептерінен де жұмысқа сұраныс түсіп қалар. Таңдауды Құттыбектің өзі жасайды. Бір білетініміз, мұндай білімді, намысты, жүректі азаматқа қолдау керек.
Есет ДОСАЛЫ