Астыққа орақ түскен шақ

Жамбыл ауданында егінге орақ түсті. Орақ барысын аудан әкімі Ерлан Қыдыралыұлы өзі бақылап, ауылдардағы егістік алқаптарын аралап, жергілікті диқандармен кездесті. Егінге орақ салғандардың бірі – Аса ауылындағы Сатжан Отарқосов басқаратын шағын шаруашылық. Ол былтыр 12 гектарға күздік бидай сепкен болатын. Енді егінін шашпай-төкпей жинап алу қамында жүр. Оның айтуынша, бұл суармалы алқаптың дәні толық, өнімі жоғары.