Астана - болашақтың қаласы

Отыз жылға таяу уақыт ішінде Астана – Еуразия құрлығындағы ең әсем қалалардың қатарынан табыла білді. Бүгінде елордамыз бүкіл әлемдегі 200-ден астам шет мемлекет басшыларының басын қосып, келелі жиын өткізетін диалог алаңына айналды. Жыл өткен сайын мұндағы халықтың саны артып, қаланың инфрақұрылымы кеңейіп, шетелдіктердің қызығушылығын тудыруда. Сондай-ақ ел аумағында жаңа технологиялардың барлығы да бас қаладағы тәжірибе негізінде қалыптасып, өңірлерге таратылуда. Мемлекет басшысы Астананың 25 жылдық мерейтойында елорданың инновациялық технологиялық әлеуетін жоғары бағалап, «Болашақтың қаласы» деп атады.