«Бұл күнді ұзақ күттік»
Жамбыл ауданына қарасты Жаңаөткел ауылында қайтарылған активтер қаражаты есебінен құрылысы жүргізілген ауызсу жүйесі салтанатты түрде іске қосылды.
Шараға облыс прокуроры Нұрғалым Әбдіров, аудан әкімі Ерлан Қыдыралыұлы мен ауыл тұрғындары қатысты.
Ауызсу жүйесінің құрылысын «Пырақ Құрылыс» серіктестігі жүргізді. Қазіргі уақытта 75 үйдің ауласына ауызсу құбыры тартылды.
Еске сала кетейік, Мемлекет басшысының тапсырмасына сәйкес, облыста қайтарылған активтер есебінен 15 ауызсумен жабдықтау және 4 денсаулық сақтау нысанының құрылысы қаржыландырылды.
Облыс әкімінің баспасөз қызметі.